دى لا باظت ولا خربت
ولا جابت جاز لامؤاخذه
دى عيشه ظريفه جدا
ولا فيه دماغ ضربت
ولا حد بيشتكى لحظه
ماشيه والأشيه معدن
عايشين فى حريه
زمن القيود اختفى
اتحدى لو واحد
يوم انضرب بالقفا
والناس بتختشى
ولا حد بيرتشى
الله على الحياه
بقى لونها شفتشى
ده احنا لا صوتنا اتنبح
ولا فى مالطه بندن
متأمنين مـ الفقر الضنك
تعليم علاج وحساب فى البنك
شقق مرميّه
و الشغل فـ كل حته
واللحمه بسبعه جنيه
وساعات نلاقيها بسته
والكل منتعش والكل منتشى
الله على الحياه
بقى لونها شفتشى
ده احنا لا صوتنا اتنبح
ولا فى مالطه بندن
.........
كلمات لـ أيمن بهجت قمر
No comments:
Post a Comment