حدث في مثل هذا اليوم
حدادي وبوم
أمل مردوم
وحبة صبر مستحيين
وناس تانيين
بيتعازموا على الخيبة
وبيزايدوا على الطيبة
خطى بتدوس على الصدق اللي علم دم
ومحض كلام
ودمع وهم
وخوف من وهم بالفرقة
وناس فارقة
وناس بقلوب باقت زرقا
من الكدمات
وواحد مات ف يوم لما
فتح قلبه
وواحد صلى بالمقامات وزار ربه
رموه بالكفر
وناس شايلة براقعها وماشية تطيح
وقط كسيح
بيزحف فوق طريق واعر
فقالوا مقيت
وواحد داب من الوحشة
ففكر لو يلاقي البيت
فقالوا جبان
وواحدة اختارت المكتوب
وعاشت عيشة مش حباها بس نصيب
فقالوا حرام
وواحد نام ف برد فظيع
فقالوا انه جدع كداب
وواحد كان شيطانه لعين وغلبه وتاب
فقالوا مرائي أبوه كداب
ولما اتكتل الإحساس
نزف يأس المشاعر موت
حدث في مثل هذا الموت
حياة متعشمة ف الخير
وقلب بصير
سند مرة على حيطة
كانت حيطته
سمع زيطة
فقد بصره بأمل كداب
ويحكي إن المحب صموت
بيكتم كل أوجاعه من المحبوب
لحد ما ييجي يوم يكفر
فصمته يدوب
يتوب قلبه عن الحيرة
يعيش بندوب
وقالوا إن البعيد خايب
وقالوا ضعيف
وقالوا ف قلبه إنه نضيف
وحلفوا له هيستنوه
وخلفوا يمين
وصاموا سنين
ولسة الذنب شايلينه
حدث في مثل هذا اليوم
خراب بالكوم
ونعش حزين
فضل يحلم بيوم فرحه
ومات قبل اللقا بسنين
بسبب الوحدة والحيرة
وكتبوا أصحابه على قبره
مشيت ..
ومشينا من قبلك
وما اترتبش بينا معاد
وكون طيب
وسامح ناس همومهم تقلت روحهم
فنسيوك وسط بلاويهم
وكنت النور ف وسطيهم
سابوك للوحدة والحيرة
يا صاحبي مت انت صحيح ولكن عاشت السيرة
حدادي وبوم
أمل مردوم
وحبة صبر مستحيين
وناس تانيين
بيتعازموا على الخيبة
وبيزايدوا على الطيبة
خطى بتدوس على الصدق اللي علم دم
ومحض كلام
ودمع وهم
وخوف من وهم بالفرقة
وناس فارقة
وناس بقلوب باقت زرقا
من الكدمات
وواحد مات ف يوم لما
فتح قلبه
وواحد صلى بالمقامات وزار ربه
رموه بالكفر
وناس شايلة براقعها وماشية تطيح
وقط كسيح
بيزحف فوق طريق واعر
فقالوا مقيت
وواحد داب من الوحشة
ففكر لو يلاقي البيت
فقالوا جبان
وواحدة اختارت المكتوب
وعاشت عيشة مش حباها بس نصيب
فقالوا حرام
وواحد نام ف برد فظيع
فقالوا انه جدع كداب
وواحد كان شيطانه لعين وغلبه وتاب
فقالوا مرائي أبوه كداب
ولما اتكتل الإحساس
نزف يأس المشاعر موت
حدث في مثل هذا الموت
حياة متعشمة ف الخير
وقلب بصير
سند مرة على حيطة
كانت حيطته
سمع زيطة
فقد بصره بأمل كداب
ويحكي إن المحب صموت
بيكتم كل أوجاعه من المحبوب
لحد ما ييجي يوم يكفر
فصمته يدوب
يتوب قلبه عن الحيرة
يعيش بندوب
وقالوا إن البعيد خايب
وقالوا ضعيف
وقالوا ف قلبه إنه نضيف
وحلفوا له هيستنوه
وخلفوا يمين
وصاموا سنين
ولسة الذنب شايلينه
حدث في مثل هذا اليوم
خراب بالكوم
ونعش حزين
فضل يحلم بيوم فرحه
ومات قبل اللقا بسنين
بسبب الوحدة والحيرة
وكتبوا أصحابه على قبره
مشيت ..
ومشينا من قبلك
وما اترتبش بينا معاد
وكون طيب
وسامح ناس همومهم تقلت روحهم
فنسيوك وسط بلاويهم
وكنت النور ف وسطيهم
سابوك للوحدة والحيرة
يا صاحبي مت انت صحيح ولكن عاشت السيرة
إيمان الميهي