حجات نفسي نعملها سوا

نشرب قهوة أنا اللي اكون عملاها ونقعد نقرا شعر

..

نمشي في طريق وع الجنبين شجر كثيف واحنا بنحكّي

..

أغني لك على كوبري قصر النيل واحنا شويّه بنبص ع النيل وشوية بنبص لبعض

..

نتكلم .. نتكلم .. نتكلم .. نتكلم .. نتكلم .. نتكلم .. ف أي حاجة وكل حاجة

..

نلعب سوا ألعاب من بتاعة الصغيرين

..

نروح عند البحر سوا

..

نتصوّر

..

نلعب طاولة سوا

..

نتفرّج على فيلم أبيض واسود سوا

..

نتفرّج على فيلم كارتون وندخل جوّاه

..

نتمشي في خليج نعمة

..

أروح معاك عند الحلّاق .. وتروح معايا عند الكوافيرة

":) مجنونة أنا .. عارفه"

..

نروح سوا حفلة لايف

..

نروح سوا معرض لوحات لمحمود سعيد .. لفان جوخ .. لإيمان المالكي

..

نركب سوا ألعاب مائية

..

نلبس لبس شخصيات تانية غيرنا من عصر قديم ونعيش جوّه مشهد من بتاعهم

..

نروح نقعد ف بيت السحيمي شويّه .. عند غرفة السيدات

..

نتزحلق ع الجليد ولو اني بخاف

..

ونركب عجل ولو اني اول واحدة تقع

..

ونركب متوسكل ونجري ولو ان بخاف برضه

..

ونركب عربية كلاسيك سقفها مفتوح ونشغل موسيقى بصوت عالي

..

نسافر إيطاليا .. وباريس .. وهاواي .. واليابان .. ولبنان .. ومرسى مطروح :)

..

نلعب بنت ولد جماد حيوان نبات

..

نصلّي سوا

..

نفطر سوا ف رمضان

..

نمشي بليل في الزحمة والأضواء كتيييييييييييير

..

نتفرج على ماتش للمنتخب سوا وانا راسمة علم مصر على وشي ولابسة أحمر

..

نروح شغلنا مع بعض .. فاتفرج عليك وانت بتشتغل وتتفرج عليا وانا بشتغل

..

نراقب النجوم في ليلة معتمة

..

نضحك سوا كتييييييييييييييييير لحد ما نعيّط من كتر الضحك

..............

طبعا عروفتوا الكلام ده لمين

لدبدوووووبي

;)