والله ماعرف أيه ناقصني !؟
أنا بس حاسّه بشوق كبير
شوق لليالي الطيبه
متشوقة لأملي/المصير
ولـ بس لقمة عيش وملح .. وضمتين
بوسه على خدود الضمير الابيض قوى
لابس تفاؤل واحترام
الناس هناك متضفرة بخيوط من الخوص/الحديد
بتحط ع اللبس القديم يادوب فيونكة صغيرة
.. تلقاه جديد
على وشها بتلاقي عينها مع الشفايف فـ انسجام
تغضب يبان
تفرح تقول من غير كلام
تسمع عن الذكرى/الأمل ؟
لو يوم تكون ..
جربت تتشوق لذكرى معشتهاش
وتحنّ خطوتك القديمة لحتة كان نفسك تروحها ..
مروحتهاش
لسّاها جواك أسئلة
وحشاني روحي بالأوي
واللّمة والجار القديم
مصروف زمان
وابن الجيران ..
اللي مكنتش بعشقه
على خلاف كل القصص
وأبويا الضهر المبطن بالحنان
وعيدية بتطقطق أمان
لسّاك في طبق الفتة والحضن الكبير
نفسي أحسّ بفرحة لما أشترى شنطة جديدة
أو جزمة للعيد الكبير
نفسي أحس بفرحة التحويشة لما تتصرف
والتمثيلة الباهتة ألوانها تعلّم جوه مني
والغنوة تتردد مثالية وجموح
بكره حكون زي البطل
نفس الشجاعة والطموح
والعشق برضك هوّ هوّ
العشق برضك هوّ هوّ
بس الحياة مش زي سالف دنيتي
مفيهاش شبه من قلبي خالص
ولا القناة الأولى زمان
سينما العيال كبرت بقى
ودخولها لازم بالبطاقة
وماما نجوى روّحت
بقلظ كمان مبقاش بيتعشى شقاوة
بقلظ عقل
ووحشتني يا أيها السلطان حريري المملكة
حتى منامي اشتكى
يمكن إذا نمت أخفف م البكا
واعرف ساعتها أيه ناقصني
وأفضّي شوق
...
إيمان الميهي
فضفضت في يوم 19 و20 يوليو ومن قبل كده بشوية بس طلعت فضفضة موزونة
أنا بس حاسّه بشوق كبير
شوق لليالي الطيبه
متشوقة لأملي/المصير
ولـ بس لقمة عيش وملح .. وضمتين
بوسه على خدود الضمير الابيض قوى
لابس تفاؤل واحترام
الناس هناك متضفرة بخيوط من الخوص/الحديد
بتحط ع اللبس القديم يادوب فيونكة صغيرة
.. تلقاه جديد
على وشها بتلاقي عينها مع الشفايف فـ انسجام
تغضب يبان
تفرح تقول من غير كلام
تسمع عن الذكرى/الأمل ؟
لو يوم تكون ..
جربت تتشوق لذكرى معشتهاش
وتحنّ خطوتك القديمة لحتة كان نفسك تروحها ..
مروحتهاش
لسّاها جواك أسئلة
وحشاني روحي بالأوي
واللّمة والجار القديم
مصروف زمان
وابن الجيران ..
اللي مكنتش بعشقه
على خلاف كل القصص
وأبويا الضهر المبطن بالحنان
وعيدية بتطقطق أمان
لسّاك في طبق الفتة والحضن الكبير
نفسي أحسّ بفرحة لما أشترى شنطة جديدة
أو جزمة للعيد الكبير
نفسي أحس بفرحة التحويشة لما تتصرف
والتمثيلة الباهتة ألوانها تعلّم جوه مني
والغنوة تتردد مثالية وجموح
بكره حكون زي البطل
نفس الشجاعة والطموح
والعشق برضك هوّ هوّ
العشق برضك هوّ هوّ
بس الحياة مش زي سالف دنيتي
مفيهاش شبه من قلبي خالص
ولا القناة الأولى زمان
سينما العيال كبرت بقى
ودخولها لازم بالبطاقة
وماما نجوى روّحت
بقلظ كمان مبقاش بيتعشى شقاوة
بقلظ عقل
ووحشتني يا أيها السلطان حريري المملكة
حتى منامي اشتكى
يمكن إذا نمت أخفف م البكا
واعرف ساعتها أيه ناقصني
وأفضّي شوق
...
إيمان الميهي
فضفضت في يوم 19 و20 يوليو ومن قبل كده بشوية بس طلعت فضفضة موزونة
1 comment:
مبدعه من يومك يا اختى يا حبيبتى
Post a Comment