"عيزاك تشوف قلبي المفرود .. وقت أمّا وشي حيتكرمشعيزاك تحسّ بفرحتي .. من قبل ما انا قلبي يطولها
عيزاك تنادي لقلبي من عندك هناااك
فيكون .. هنا
وأفضل أنا
مستنياك
فالاقاك .. أنا
*"عاشق ليالي الصبر مداح القمر "
وانت ضيا القلب اللي متفتفت وجع
و متعشّق حنين
وانت الخطاوي السهرانين
بيدورا على خطوتي
عيزاك تفتش جوه منك عن براءة نظرتي
وخجلي و بسمة قلبي يوم ما زقطط فرحه وشوق
عن نطة وصلت روحي بيها لحد فوق
عن كلمتين طلعوا حروف متلخبطة
وعن شوية شخبطة ع العقل بتقول يابني فوق
والضحك معدي .. و النط معدي فاتعديت
بس انت نطة فرحتك من القلب لفّت تحضنك
وتحصنك من كل أسرار الهوى
بس الهوى قادر يطول قلبك .. وقادر يأسرك
إيمان الميهي
11-5-2009
....................
*غنوة : مدّاح القمر
كلمات :محمد حمزة
No comments:
Post a Comment