يعني دنيا جديدة بيضا حتدخليها بروحك وقلبك مع بعض .. يعني مخلوق جميل قوي كنتي سبب في وجوده .. يعني نتيجة تعبتي فيها واتحملتي بمشاعرك بس .. يعني حد كان مشاركك بجد جواكي .. كل حاجة .. وعملتي حسابه في كل حاجة .. يعني بني آدم ملوش غيرك انتي مسئولة عنه مسئولية كبيرة .. انتي مصدر أكله و تغذيته و انتي مصدر إحساسه و انبساطه و انتي حالة الأمان الكامل بالنسبة له قبل ما يفتح عنيه ..لما ينام بين ايديكى و انتى قاعده كل عضله فى جسمك متوظفه لراحته .. لما جسمه الصغير الطرى الدافى يلمسك *.. يعني علاقة لا تنقطع بانقطاع الحبل السري .. بني آدم منك وبيكي .. عيونك و نورك وقلبك و روحك اتجمعوا فيه .. يعني تعويض عادل من الدنيا عن كل تعب عشتيه فيها .. يعني حب أكبر و أطهر و أصدق و أقوى من أي حب في الدنيا ..يعني إحساسك بأنوثتك بشكل فطري مختلف .. يعني حضن غض انتي أول إيد لمسته .. يعني حد لما يقولك " بحبك " الدنيا تقولك معاه بحبك .. يعني كلمة " ماما ".. ماما
ربنا يرزقكم كلكم بالنعمة العظيمة دي يااااااااااا رب يا رب يا رب آمين .. مع خالص الاحترام والحب لكل أب في العالم ويمكن يكون فيه بوست قريب عنه
* الجملة الخضرا دي بتاعت داليا
6 comments:
مش ممكن كده ...الصور حلوة اوي و دافية اوي اوي اوي .. البوست ده عملي رعشة قوية اوي ....
مش عارفة اقول حاجة .. بس كان لازم اقولك ان البوست حلو اوي
ياااااااااااااه يا ايمان بجد كلامك حلو اوووووووووووووووووووووووى ووحشنى اووووووووووووووووى احساسك حلو زى ما بتكونى بتوصفى الكلام اللى جوايا ربنا يرزقنا كلنا بالنعمة الغالية دية بجد
حاجة كدة كل ما الواحد يفكر فيها يقول سبحان الله والحمد لله ولا اله الا الله
بحبك اووووووووى وبحب كلامك ومشاعرك واحساسك وكل حاجة فيكى ربنا يخليكى ليا
آية
ولازم اقولك إنك نورتيني
غريزة الأمومة بتخلينا لا نتمالك أنفسنا .. سبحان الله
دمتي زائرة للمدونة
..........
هالة
أهم حاجة تسمي أول بنت إيمان والتانية إيمي والتالتة إيمو والرابعة أمونة والخامسة موني وهكذا أما لوجه ولد وصيه يسمي بناته كده
ربنا مايحرمني من حد حقيقي زيك
ربنا يخليكى ليا يا حبيبتى بس دية كدة هتبقى امبراطورية ايمو على وتيرة عيله ابو اللى فى مسرحية مش فاكرة اسمها ايه كدة بتاعه فؤاد المهندس وبعدين ايه يا بنتى العيال الكتار دول احنا عايزين نحدد النسل مش نكتره
مع انى قريت البوست ده قبل كده بس المره دى بجد حاسه انى بقراه بعين تانيه
عين ام
ربنا يكمل لى الحمل على خير و ربنا يجعله او يجعلها ذريه صالحه و بار بي و بابوه ياااااااااارب
الامومه جميله جدا واجمل غريزه فى الانثى فعلا
بوست جميل وصور تحفه
Post a Comment