"إمبارح بس اكتشفت إن انا و فرح كنا عايشين مع بعض وكل واحد ماسك للتاني سكينة ورا ضهره .. اللي قلناه لبعض يستحيل يخلينا نقدر نكمل تاني حياتنا مع بعض "
" كلنا بنغلط .. كلنا لازم نسامح "
" لما اتصل بيا في التليفون .. كان نفسي اترمي فـ حضنه و أقوله إني محتاجه له ..لقيت نفسي باعامله بقسوة ..قسوة مش عارفة جبتها منين .. طلبت منه إن احنا نبعد بس الظاهر ان انا مش قد البعد ده "
" بابا كان عنده حق .. أنا لو كنت اتجوزت علي مكنتش حبقى مبسوطة .. بيتهم مفيهوش روح ..كل حاجة فيه فـ مكانها أوي زي ما يكون محدش عايش فيه .. عمرو وحشني أوي "
" حاولت أكدب نفسي كمان بس .. بس معرفتش ..كويس إن أنا معرفتش لأني لو كنت عرفت كان زماني اتجننت"
"يمكن لو اتجوزنا فيه احتمالين .. احتمال إن جوازنا يخنقنا و احتمال لأ
لكن لومتجوزناش مفيش غير احتمال واحد بس .. إننا مش حنكون مع بعض "
............
دي بعض جمل من حوار فيلم " سهر الليالي " الجمل دي تحديدا علقت معايا جدا -و أكيد فيه حاجات تانية بس مش وقتها دلوقتي - كتبتها هنا بس عشان أقول اننا كلنا بني آدم .. وياريت نفتكر ده كويس و احنا بنتعامل مع بعض .. يا ريت
إيمان
2 comments:
لو اتجوزنا فيه احتمالين ..حتمال جوازنا يخنقنا واحتمال لأ
بس لو ما اتجوزناش مفيش غير احتمال واحد اننا مش هنكون مع بعض
بحب الفيلم ده اوي:)
شكرا يا جميله
الجزء ده كان واقع مني فعلا
انا كمان باحب الفيلم ده جدا
متغيبيش عليا :)
Post a Comment