الحب الخاطف له علامه
ياخدك ويلف بحور ياما
و يسيب القلب فـ دوامه
و انا أصلي باحب الدوامه
أصحى بالليل من غير داعي على صوت من جوه بينده لي
أفرك فـ عنيا و اقوم خايفه ألاقيني قصاد قلبي و عقلي
العقل يقول سمِّي و نامي و القلب شفايفه تودود لي
أحتار و الف بحور ياما
و اسهر للصبح فـ دوّامه
و أنا أصلي باحب الدوّامه
أمشي ف السكّه أشوف نفسي كده حلوه و روحي عجباني
و اتمنى أقابله ولو صدفه ويشوف تسريحتي و فستاني
و اكلم نفسي واقول يمكن شافني و عنيه مش عرفاني
واهو بالشكل ده أفكار ياما
خلتني عايشه ف دوّامه
وانا أصلي باحب الدوّامه
وساعات أحلامي تضحك لي بحاجات منكرشي انها حلوه
وأشوف خيالات لو اسجلها كنت اكتب ف اليوم 100 غنوه
وساعات الضحكة ألاقيها غرقانه ف دموع الشكوى
و حالات مـ النوع ده كتير ياما
بتلف معايا ف دوّامه
وانا أصلي باحب الدوّامه
بقا هو الحب يا ناس ممكن بالشكل ده يعمل ما بداله
ده انا شفته مره مفيش غيرها و مكانشي حتى واخد باله
و المدهش إنه خطف قلبي
و مبسوطه .. وراضيه .. و ساكته له
من يومها بالف بحور ياما
و باحس كأني ف دوّامه
و انا أصلي باحب الدوّامه
........
من أجمل و أصدق الأغنيات اللي اتكلمت عن بوادر الإحساس بالحب
..
و كتر خير اللي يقوللي مين كاتبها و إن كنت أخمن انه حسين السيد ؟
7 comments:
حلوه الاغنيه اوى
واكيد ليها معاكى ذكريات
ومدونتك جميله جدا
ارجو ان تتقبلى مرورى
احمد سكر
آآه، أغنية حلوة يا إيم، بــس مكعرفش لمين، ولا سمعتها أصلاً قبل كده
.
.
و أدينا بنعدي، و خلينا نشوووفوووكي
تحياااااتي دااائمًا
انا ازاى مكنتش زور مدونتك ... ؟
ــ
مدوناتك تستحق المتابعة عن حق
ــــ
تحياتى
ماشى يا شحروره الاغنيه طبعا حلوة
ومسنتين اغنيه الراجل ده هيجنينى
دى طبعها بعد بودار الحب ماتروح لها
هههههههههه
تحياتى
بصي هو فيلم الأيدي الناعمة كله
فيلم جامد
والأغنية دي أغنية معبرة عن الحب بجد
تحياتي
سكر
نورت البلوج
الغنوة فعلا جميلة جدا
......
إبراهيم
الغنوة ف فيلم الأيدي الناعمة
نورت البلوج بمرورك
.....
إنكسرت
أشكرك للإطراء المهذب و أتمنى تكرار الزيارة
.....
ممكن
أشكرك للزيارة
.....
عز
الفيلم بجد أكتر من رائع
شكرا لمرورك :)
فعلا الأغنية دي عبقرية .. وأنا بحبها أوي .... لانها فعلا حقيقية والحب زي الدوامة ... والخوف كمان
Post a Comment