و الآن موعدنا مع المسلسل الكوميدي اليومي

باستغرب جدا لما بافكر في نوعية المسلسلات اليومية .. كم فظيع من الكآبة و البكاء من غير معالجة شئ يذكر ( طبعا مش كلهم أكيد فيه حاجات هادفة و ممتعة زي قضية رأي عام مثلا أو أولاد الشوارع أو سارة ) و كأنهم لا يعلمون أن الناس متنكدة طبيعي من حياتها في الشغل و البيت و المواصلات ( دي لوحدها كفاية ) و أن الشباب مكتئب .. حقيقي احنا كعرب بنجد أنفسنا في الشقاء و البكاء على الأطلال .. و الدليل الكبير على كده أغاني الميكروباصات بدءا من : كتاب حياتي يا عين وصولا إلى والله ما تحدي لنظل نولول و ننعي حظوظنا الهباب و غدر الاخرين و أمجادنا السابقة و العمر اللي فات .. النكد و الرومانسية .. حتى أننا نميل لسماع الرومانسية الحزينة حتى و إن كنا نحيا في أروع قصة حب .. ربما لكي نتعاطف مع أنفسنا .. ولا أستثني نفسي من حب النكد لكن عاوزة أقول حاجة .. فيها أيه لو بقى عندنا كل يوم حلقة كوميدية واحدة بجد بتفرق كتير .. طول ما أي مسلسل لأشرف عبد الباقي - بما إني باعتبره نجم تليفزيوني كوميدي راقي و تلقائي و مغني تترات كوميدية اجتماعية ممتاز - بيتعرض ف التليفزيون و انا عارفة اني باكون على موعد مع الضحك أو ع الأقل الابتسامة .. الهادفة برضه ببصيص من نور الأمل الواقعي الممكن رغم الواقع الصعب .. نفسي يكون كل يوم فيه مسلسل كوميدي و مرتين ف الأسبوع مثلا فيلم كوميدي .. إحنا محتاجين أوي لده

بدل ما نطق

أنا جيبت لكم مقتطفات كوميدية لطيفة لنجوم أنا باحبهم .. و حاجات كتيرة من ذكريات الطفولة الحلوة باتمنى تعجبكم

سمعة أوبريت باموت فيه


ظاظا و جرجير



فيلمي الكوميدي المفضل ظرف طارق

بوجي و طمطم التتر ده أنا مشوفتوش ، تقريبا كنت صغيرة اوي اوي


البلونة أغنيتي الخاصة جداااا و ليها معايا ذكريات حلوة



حبيبة بابا برضه لها معايا ذكريات حلوة جدا

الشاطر عمرو


توووت توووت و إهداء خاص جدا لأمل و سوزان


البنات البنات


غنوة بطعم العيد


أبريق الشاي



ذهب الليل " أول مرة أشوفها كليب":)

باتمنى تكونوا انبسطوا