سولي و خروج و دوائر خفية

مـ بـ روك

من أحلى الأخبار اللي سمعتها الفترة دي مجموعة سلمى صلاح القصصية " خروج " واللي ستصدر بإذن الله عن دار ملامح .. سامعة حد بيقول قديمة .. مانا عارفة بس التهنئة دي جديدة موت

الحقيقة أنا سعيدة جدا بالموضوع ده

حاسة إني فخورة بسلمى أوي على كل المستويات .. سلمى من أصحابي على مستوى معين كده مينفعش يتشرح بس هي عارفاه .. ياما وقفت جنبي ف مواقف بشكل مؤثر رغم قلة معرفتنا ببعض نسبيا أو كما يبدو

فرحانة لها على المستوى ده .. و على مستوى إنها أول بنوتة من صحابي تنشر و هذا انتصار للمرأة الكاتبة .. و على مستوى كمان سنها و حجم موهبتها و شجاعتها في خطوة النشر دي

بجد يا سلمى أتمنى لك كل نجاح و توفيق على قدر اجتهادك و شجاعتك و بتوفيق من الله عز و جل أولا طبعا

و أتنبئ لك ببصمات على الساحة الأدبية إن شاء الله

و جدير بالذكر قصة " دوائر خفية " التي أعشقها جدا و موجودة ف المجموعة

مش عارفة أقول أيه بس المشاعر متحتاجشي لشرح

:)

أقول مليار مبروك يا سولي