صباح التاجات

أسئلة متنوعة من أكتر من تاج مررتها لنفسي :)

======

اسمك ؟

إيمان

عمرك ؟

23

مجال دراستك ؟

إعلام - راديو

المود بتاعك ؟

نوت باد نوت جود

اسم مدونتك ؟
شلال العطر
اختارته ليه وقصدك بيه ايه ؟
عشان ده لقب أطلقه عليا أستاذي ف الإذاعة ا/ مرسي عبد العليم المذيع بالشباب و الرياضة بعدما قرأ بعض كتاباتي

فكرت تقفل المدونة؟وليه؟
مرة
فترة كنت مش عاوزة أكلم حد ولا حد يكلمني
صورتك فى المدونة رمزيتها ايه؟
أنا بأي شكل
طبيعة كتابتك فى المدونة بشكل عام؟
متنوعة
لماذا تدون فى الاصل؟

يمكن فضفضة .. تعبير عن الذات بقدر من الخصوصية .. و مسئولية أحيانا

احلى كلمة قيلت لك فى وصف مدونتك؟

مش فاكرة حاجة معينة لكن فيه بعض بوستات وصفت

بالصدق الشديد و هذا أسعدني

التعليقات بالنسبة ليك بتعنى ايه؟

التفاعل مع البلوج حتى لو فيها سلبيات .. فأنا لا أكتب لنفسي

احلى بوست كتبته؟

كتير أفتكر منهم : أجمل ما في الكون / بسين في ميدان التحرير / أسبوع الهنا

احلى مدونة دخلتها؟

كل مدونة بلا استثناء تقريبا بالاقي فيها حاجة مميزة عن غيرها بس اقدر أقول لما باحب ارتاح أو أروح لعالم تاني باروح لمدونة ملكة " مملكة واحدة من الشعب "

http://mamlaka.blogspot.com/

احلى بوست قريته؟

ممممممم .. مش فاكرة بس تقدر تقول تقريبا كل البوستات اللي ف مدونتي التانية كما يرونها

و بالمناسبة المدونة التانية دي فيها أعمال الناس التانية

http://astheyseeit.blogspot.com/

حد قل ادبه عليك قبل كده؟

مش بتوصل للدرجة دي

أسوأ بوست قريته؟

أي بوست مبيراعيش ربنا بكل معنى الكلمة

هل أنت راض عن مدونتك شكلاً وموضوعاً؟
شكلا .. لسة شوية ملقتش التيمبل اللي أحس إنه أنا موضوعا : إلى حد كبير الحمد لله
هل تعلم أسرتك الصغيرة بأمر مدونتك؟
أيوة
هل تجد حرجاً فى أن تُخبر صديقاً عن مدونتك؟
و أيه المحرج فـ كده !؟

هل تعتبرها أمرا خاصا بك؟
دلوقتي لأ

هل تسببت المدونات بتغيير إيجابى لأفكارك؟
مش بالشكل ده .. بس بتأثر فيا جدا طريقة التفكير و أسلوب الكتابة أكتر من المضمون لكل بوست
هل تكتفى بفتح صفحات من يعقبون بردود فى مدونتك أم تسعى لاكتشاف المزيد؟
ساعات بادعبس
ماذا يعنى لك عداد الزوار.. هل تهتم بوضعه فى مدونتك؟
لا .. مش مهم بالنسبة لي .. المهم التعليق و ده طبعا مش تقليل من المرور الكرام لكن اللي مر من غير ما يسيب تعليق أكيد مفيش حاجة لفتت نظره أو أبهرته أو استفزته عشان يسيب تعليق يعني معندوش دافع لكده أو يمكن لسة بيكون رأي عن البلوج أو متابع من بعيد لبعيد أو يمكن يكون ما قراش أصلا تخيل لو لقيت ألفين زائر مثلا و مفيش غير تلات تعليقات أؤكد لو لقيت عداد يعد اللي بيقروا حتى لو مش بيعلقوا ممكن أحطه
هل حاولت تخيل شكل اصدقائك المدونين؟
لا .. أغلبهم أصدقاء أو زملاء أو أصدقاء الأصدقاء و الباقي أفضل أن يبقى الوضع على ما هو عليه لأنه فيه رقي

اعترفـــ

هل ترى فائدة حقيقية للتدوين؟
مش هتكلم إلا قصاد المحامي بتاعي :)

حقيقي ممكن و ممكن على حسب لكن في رأيي فائدته وجدانية حتى إذا كانت ثقافية أو عقلانية فيه مدونات معمولة خصيصا للفضفضة و ده مش قليل لشخص مثلا يفتقر للصداقة على الطبيعة
هل تشعر أن مجتمع المدونين مجتمع منفصل عن العالم المحيط بك أم متفاعل مع احداثه؟
منفصل عند البعض و مخلّط عن البعض الاخر
هل يزعجك وجود نقد بمدونتك ؟ أم تشعر انه ظاهرة صحية؟
لو نقد مهذب و موضوعي ليه لأ .. بالعكس أشكر صاحبه حتى لو اختلفت مع رأيه
هل تخاف من بعض المدونات السياسية وتتحاشاها؟ هل صدمك اعتقال بعض المدونين؟
مبحبش المدونات اللي 100 % سياسة لكن لو تم تناول السياسة من وجهة نظر إنسانية من غير تطرف ليه لأ
هل فكرت فى مصير مدونتك حال وفاتك؟
يا إما حسنات جارية أو لا قدر الله ..... و دي نصيحة بجد لكل حد بيعمل حاجة خد بالك كله محسوب عليك
تحب تسمع أغنية إيه ما الاغنية التى تحب وضع اللينك الخاص بها فى مدونتك؟
مممم ممكن أغنية " لو تعرفي " علي الحجار

وقت فراغك بتعمل فيه ايه ؟

باتفرج على أفلام أحمد حلمي .. باقعد ع النت .. باخرج مع اصحابي

و للقراءة و الكتابة أوقات خاصة جدا

الأكلة المفضلة ؟

ممكن نقول الفراخ

اكتر 6 حاجات بتكرهها ؟

و اشمعنى ستة يعني :)

1-العين الفارغة

2- متكلفات الجمال و مدعيات الأنوثة

3- الكذب

4- عدم تقبل الاخر بُكلّّيَته " يعني شروة على بعضه "

5- التريقة على مخاليق ربنا

6- الاستغلال

أكتر 6 حاجات بتحبها ؟

أعشق استوديو الإذاعة/البدر المكتمل/دعاة أمثال عمرو خالد و مصطفى حسني

درجة معينة من اللون الأزرق/أغنية مرسال المراسيل لفيروز / رجل الثلج

الشغل بالنسبه لك ؟

حياة
الكمبيوتر و النت بالنسبة لك ؟
حياة مكملة و إن كانت جافة

تستدعي مين للشهادة ؟؟

أي حد من زملاء التدوين أتعشم فيهم الصدق

اللي بيشهد زور بيروح جهنم

هل تسعد عندما يمرر لك أحدهم تاج ؟

حسب أسئلة التاج لو لطيفة و مهذبة بانبسط لكن على العكس باتضايق من التاج و من الشخص

هل مقدار سعادتك أو شعورك أيا كان عند تمريرك التاج يختلف حسب المدون الذي يمرر لك التاج ؟؟

لأ

هل تستمتع عند إجابتك على أسئلة التاج ؟

حسب أسئلة التاج طول ما في حدود اللائق دينيا و أخلاقيا .. و مبتتدخلش في أمور شخصية متهمش حد من جمهور البلوج .. مفيش أي مشاكل

هل ترى للتاج أهمية ؟

أيوة و أحيانا أهمية كبيرة ، بتدي انطباعات عن النجم صاحب البلوج

هل فكرت في عمل تاج خاص لك من قبل ؟

فكرت و لكن لم أنفذ بعد

هل تفضل قراءة أجوبة التاج عند المدونين الآخرين ؟

أم لا تهتم سوى بالتدوينات الأخرى فقط ؟

لو فيه فايدة حقيقة و تسلية و إمتاع اوك

هل تحرص على قراءة إجابات من تمرر لهم التاج ؟ و هل تغير إجاباتهم للتاج شيئا ًَ في إدراكك لهم ؟

أينعم .. مش للدرجة دي

هل تلتزم حرفيا ً بأسئلة التاج ؟

لأ .. اللي بالاقي لها لازمة بس و بالمحترمة فقط

ما هي نوعية الإجابات التي تفضلها ؟

التي لا تخلو من الصدق و الطرافة و العمق و الإفادة ولو إنسانيا

إلى من تحرص على تمرير التاج ؟

مبحبش أدبس حد بس همرره لمن يجيبون على التاجات و سأستثني الغير محبين لها

أمرره لـ

أختي أميرة

http://mera-missedcall.blogspot.com/

هالة شبايك

http://ra7e2el7ob.blogspot.com/

سلمى صلاح

http://ssalah.blogspot.com/

كاميليا حسين

http://www.camellia-land.blogspot.com/

ملكة حسين

http://mamlaka.blogspot.com/

دولسيكا

http://dolsica.blogspot.com/

مها

http://smsma2004.spaces.live.com/

وردايتي

http://wardaya.blogspot.com/

هبة المنشاوي

http://demo3a7zan.blogspot.com/

و لهم أن يختارو منه من أسئلة ما يتوافق و أذواقهم و بالذات أختي لأنها أحدث مدونة أعرفها