القضية 47 جنايات

محكمة

نادي ع القضية 47

هو: عاوز اطلب بيتزا .. اطلب لك حاجة ؟

" هي: "لا."

هو: "اوكي."

هي: "و لا اقولك .؟"

هو: "ها .. اطلب لك حاجة ؟"

هي: "مش عارفة."

هو: "مش عارفة اذا كنتى عاوزة اطلب لك حاجة؟"

هي: "لا."

هو: "انتي جعانة؟"

هي: "يعني .."

هو: " يعني ايه يعني...؟"

هي: "يعني معناها مش متأكدة اذا كنت جعانة او لا

."

هو: "الواحد لما يكون جعان بيعرف"

هي: "مهو يمكن اجوع بعدين"

هو: "معناها اطلب لك بيتزا."

هي: "طيب و اذا ما كنتش جعانه وقتها..؟"

هو: "ما تاكليش."

هي: "بس كده هيكون تبذير"

هو: "طيب .. كليها بكرة."

هي: "و اذا ما كان ليش نفس آكل بيتزا بكرة؟"

هو: "دي مش عاوزة نفس .. الواحد بيقدر ياكل البيتزا كل يوم "

هي: "انا لا .. ما باكلش بيتزا الا لما يكون عندي نفس للبيتزا."

هو: "معناها بطلب لك حاجة تاني"

هي: "بس انا مش عاوزة حاجة تاني"

هو: "يعني عايزة بيتزا؟."

هي: "لا."

هو: "يعني مش عايزة حاجة؟."

هي: "ماعرفش"

هو: "جننتيني انتى عاوزة ايه بالظبط؟"

هي: "اطلب انت لنفسك.."

هو: "اخيرا .. ماشي.."

هي: "بس اطلب بيتزا بالتونا"

هو: "بس انا ما بحبش التونا."

هي: "بس انا بحبها."

هو: "هو انا هاطلب ليا و لا ليكي...؟!"

هي: "ليك طبعا."

هو: "طيب و ليه بالتونا...؟"

هي: "يمكن اجوع لما يوصل الاكل"

هو: "وإيه يعني؟"

هي: "بالله؟ يعني إيه آكل حاجة مش بحبها !! "

هو: "ليه هو انتي عاوزة تاكلي؟"

هي: "ليه لا ؟"

هو: " يا مثبت العقل و الدين يا رب .. يعني دلوقتى انا لازم اطلب بيتزا ليا , عشان انتي تاكليها اذا كنتي جعانه؟؟"

هي: "بالضبط."

هو: "و انا آكل إيه إن شاء الله؟"

هي: "مهو يمكن ما أكونش جعانة.. ساعتها تاكل انت البيتزا"

ملاحظة: محكمة الجنايات قررت الافراج عن الزوج المتهم بتهمة "قتل الزوجة مع سبق الاصرار و الترصد" و تحويل القضية الى "قتل الزوجة دفاعا عن النفس

"...

منقول من ملفات محكمة الكوميديا الدولية :)