عارف أنا نفسي فـ أيه دلوقتي :) ؟
نفسي أحسّ بإنّي متاخده لما تقعد جنبي
مقدرش أبص فـ عينك ولا اقولك ازيّك
ومتمناش غيرهم
يضيق الكون عليّا لما اكون معاك .. فتبقى الدنيا انا وانت وبس
أكتب شعر يزغزغ قلبي
وكل الناس تعرف إنه هو إنت
تبقى الدنيا لها معني متجدد ومختلف وطِعم كده
واصدّع صحابي بحكاويك
واتلكك عشان أتكلم معاك تلاكيك مفقوسه
تلبس الدنيا فستان حاضن ألوانه
ومينتهيش الطريق
تمشي .. متبصش وراك
وافضل أنا باصّه ناحيتك .. مستياك ترجع
قلبي يترعش بسيرتك
فتطلّ عليّا بعنيك الحلوة وتقولي : وحشتيني
1 comment:
قبل ساعات فقَط , أرهقتنِي الحرارة في جسدِي ,
التِي تخرجُ حتّى مِن عيني !
وتمنّيت , لو أنّ هُناكَ شخصاً بجانِبي ,
يُمكِنُ أن أُلقِيَ رأسِي على كتِفه ,
وأستريح قليلاً ~
كونِي بخير إيمان
اشتياقِي لكِ .. ~
Post a Comment