لمّا احتاج انه حد يطبطب على قلبي ويحضنه ويقولي معلش حتى لو مش مقتنع بالسبب اللي مزعلني
..
لما ابص ف المراية مرة فالاقي قدامي قمر رغم اني مش شبه القمر
..
لمّا حد يقولي اني حد كويس ويؤمن بيّا ويوريني اللي يمكن اكون فاكرة انه محدش شايفه غيري
..
لمّا اعاتب صحبتي على حاجة عبيطة عشان بتلكك عشان اسمع حقك عليا انتي غالية عندي خالص
..
لمّا احترم اختيارات الآخر حتى لو متناسبنيش
..
لمّا احط ف روحي قاعدة عربي لكل البشر
وشاذلونج لبعضهم
وكرسي هزاز لخاصتهم
..
لمّا اقول للحلو يا حلو في عيونه
..
لمّا البس اللون اللي بيكلمني
..
لمّا اضحك واعيّط من قلبي
..
لمّا اقتنع اني مش زيّهم لأني مختلفة وربنا خالقني بطبيعة مغايرة لرسالة تانية غيرهم
..
لمّا اقول طز لكل الناس اللي بتحبطني وبتحط من قدراتي رغم تفوقها
..
وفيها أيه يعني لما اتغر شوية ;)
ولا أهيّس حبتين
ولّا اطنش حبة حاجات
ولّا أعيش ف التراوة شويّة
وان محدش واخد منها حاجة
او اضحك بصوت عالي ضحكة محترمة
واعيش نفسي
ولّا افرح بنفسي شويتين
هو انا مستاهلش؟
No comments:
Post a Comment