بعدما تخلّص كيس المقرمشات اللي في إيدك واللي بتموت فيه جدا تكرمش الكيس فتلاقي واحدة تحت :)
محطتك في الميكروباص تيجي في اخر الغنوة اللي بتحبها واللي اشتغلت من اولها من عمو السواق
تليفونك يرن بعدالصمت الرهيب بحد بتعزه جدا وهو مش صاحبك الأنتيم عشان يقولك انه واحشه وانه دعالك
تيجي لك مسدج مش من فودافون تبلغك بخبر حلو
تروح عشان تعمل فنجان قهوة متين فتلاقي اخر معلقة بن مستنياك
بعد لف عميق تلاقي حد يقوم ويقعدك في المترو رغم انه مش نازل المحطة الجاية
بعدما النور يقطع الجهاز يعمل ريستارت فتلاقي كل حاجة عملتها متسيفة ومتمسحتش
تنتصر على نفسك بقدرة ربنا في موقف عمرك ما كنت تتخيل انك حتعدي منه
تبص ع الهوم فتلاقي حد حاطط ستاتيو بتعبر عن كل اللي جواك بالمللي
تعرفي انتي حتلبسي ايه ويكون اللبس جاهز ومكوي من بليل
تلاقي سواق تاكسي محترم يتعامل معاكي كهانم من بتوع الابيض والاسود
تروح كوستا وتطلب موكا تلاقيها تعمل لك دماغ على غير العادة
تلاقي ست عجوزة الصبح بتدعيليك من غير ماتعوز منك حاجة وطفل صغير بيضحك لك وبيلاعبك في المترو وهو ميعرفكش
لما تروح الشغل متأخر تلاقي مديرك غايب
حد رخم يتصل بيك ولازم ترد فتليفونك يفصل شحن قبل ماتقول ألو يا سلااااام
....... مش منقول
]
إيمــــــــان
No comments:
Post a Comment