بسبوسه .. بسبوسه .. بسبوسه .. بسبوسه
بت يا نوسه يا نوسه شايله البسبوسه
والله احلويتي وكبرتي وبقيتي عروسه
فين لما زمان كنّا بنفرش على باب حتتنا
ونبيع الطيب للطيب من أهل حارتنا
والكل حبايب ياما كانوا بيسندوا وقفتنا
لو بصّ غريب على حاجة تانيه غير البسبوسه
من يوم ما مشينا مـ الحاره طلعنا فـ العالي
الخرطه بعشره جنيه واكتر وكمان مش غالي .. مش غالي
والغالي ياخوفي لا حلاوته تخلص فـ ليالي
فتافيت السكر مبقتش تحلّي البسبوسه
يللا يا زباين حنشتب .. فين الأكيله
الشهد خلاص قرب يجبر .. ما بيدنا حيله
خلونا نروّح ليله بدري .. بس ولو ليله
على حته مفيش فيها زباين جعانين بسبوسه
بسبوسه .. بسبوسه .. بسبوسه .. بسبوسه
بت يا نوسه يا نوسه شايله البسبوسه
والله احلويتي وكبرتي وبقيتي عروسه
2.6.09
ب س ب و س ة
Subscribe to:
Post Comments (Atom)
No comments:
Post a Comment