الراجل ده أخلاااااق

دلوقتي لما باتعامل مع حد أخلاق بافرح أوي وباندهش في الوقت نفسه .. لأني طول الوقت مبشوفش ده .. إن الواحد يحترم التاني .. وازاي الراجل المحترم يتعامل مع بنت .. وإزاي نحترم خصوصيات بعضنا .. ونحترم رغبات بعضنا .. حتى لو مش مقتنعين .. وإزاي نحافظ على مواعيدنا أو نعتذر .. نهتم بالآخرين .. نكون مهذبين حتى لو بننقد حد ..منتكلمش على حد من وراه ولما نشوفه ناخده بالحضن حتى لو لنا عنده مصلحة .. نقول الحقيقة ولو على رقبتنا .. الحقيقية بقى صعب أوي ألاقي ده .. الحمدلله أصحابي فيهم كتير من ده .. بس بشكل عام مبقاش موجود من جوه الناس وإن تظاهر بعضهم بيه .. مش عارفة .. بس باتضايق أوي لو واحد راجل مقامش ليا في الميني باص ... إلخ .. بيبقى كلهم رجالة قاعدين وكل البنات والستات واقفين .. باحس إنها مش رجولة بجد .. وده مثال بيتكرر يوميا .. اللهم ارزقنا وارزقكم حسن الخلق.