عيني على البنت الحنيّن قلبها ..
يعشق تدوب .. يكره تدوب .. يشتاق يدوب..
لسة بتشتاقك سكن مليان جيوب ..
أرواح وبلالين وحكايات وأغاني كل الألوانات متفرقة بين القلوب ..
بس العيون طايلاك يادوب .. طيف من بعيد حاضن أمل ..
من غير كلام بيوشوش الدمعة اللي بردت جوه مني .. يرد روح الأسئلة بجواب يطمن ..
وعليك حنان سحره يجنن .. بيمد إيده يمس سالف فرحتي ويشدها .. ترتاح بخفة جوه مني ..
وتكون حبيبي ولو في بيت بنياه بظني
إيمان الميهي
13-4-2009
الساعة اتنين إلا كام دقيقة بعد نص الليل
No comments:
Post a Comment