أوقات بنييجي على الناس القريبين لينا أكتر من اللازم .. و نتوقع انهم حيعذرونا و انهم موجودين دايما .. ومنعملش حسابهم كفاية .. و ده بيجرح أوي أوي و بيوجع القلب.. وقتها مبيبقاش فيه مكان للعتاب .. إزاي حد بيحبك أوي يعاتبك على إنه مبيحسش بحبك و اهتمامك إلا من كلامك لكن الفعل قليل .. وقت ما الناس دي بتختفي من حياتنا بنحس بقيمتهم و قيمة مشاعرهم ناحيتنا .. اللي ممكن تكون أصلا كتير علينا .. أو وقت ما بنكون مكانهم بنحس بيهم لما حد بنحبه أوي و نهتم بيه جدا نلاقيه بيتجاهلنا و راكننا ع الرف .. على اعتبار اننا متاحين طول الوقت و بنحبه على طول بزيادة و وقت ما يعوزنا حيلاقينا ( و ده على فكرة ممكن يحصل بدون قصد لأنها طبيعة التعود و فقد متعة الاستكشاف للشخص / للعلاقة ).. فيدي اهتمام للغير متاح و الغير مضمون
وقتها بيبقى عصفور ع الشجرة أحسن من عشرة في اليد
فممثل المسرح - عادة - لا يلتفت للصف الأول
من كل قلبي أنا بجد آسفة .. إنتي عندك حق
2 comments:
مش عارفه أقول ايه بس يمكن لان الكلام بيمس كتير فقدتهم الفترة اللي فاتت
فخلاني زي اللي لسه في دايرة هما فين كلهم ؟
هل هي سلسلة مشاركين فيها احنا بنحب ناس بتتجاهلنا وبنتجاهل ناس بتحبنا وكده
وآه ممكن نكون في نفس المستوى بين السما والأرض
حتى تقدروا ع التواجد وقت الحاجة لان علشان تكون السما لازم هما يكونوا الأرض وماينفعش نكون زي اللي متشعلقين في الطرف ببعضنا ولا سما قادرة تنزل ولا الارض قادرة تطلع
مش عارفه حاسه اني خرجت عن الموصوع :)
المهم سيبك يمكن لان البوست بسيط بس بيأثر
الحاجة التانية ان الصورة ديه بحبها جدا بشكل ذكرى ليوم كنت كتبت عنه ف المدونة بشكل مؤلم حتى مسامياها ع الجهاز آخر أيام المشاوير وكنت مرتبطة بحالتها جدا
بس كده رغيت كتير
صباحك قلب طيب وبسمة
نهي
بجد نورتيني جدا وفرحت أوي لما لقيت اسمك
هي فعلا دايرة كله فيها بيجري ورا بعضه
وياريت حد واخد باله أو بيبص ع اللي وراه .. لأ.. إحنا بس بنبص ع اللي قدامنا بكتير
نورتيني
Post a Comment