كنت أنوي كتابة هذا البوست عندما أُشفى تماما لكن بجد أنا اتضايقت قوي عشان البوست اللي فات ضايق ناس كتير .. أنا آسفة .. بس لأني كتبته من جوايا جداا .. ف لحظة ممرتش عليا كتير ..كنت تعبانة بجد و كان فيه صحاب قريبين جدا مني مشغولين عني .. و طبعا كنت متعشمة فيهم جدا أكتر من غيرهم و ده منعني من التماس أي أعذار لهم و هما كمان كانوا متعشمين فيا جدا إني هعذرهم و يمكن لو كان حد بعيد عنهم أكتر كانوا اهتموا بالسؤال أحسن يزعل لكن القريبين بينهم عشم .. و العشم ده مشكله كبيرة لوحده مفروض يتعمل عنه بوست منفصل ..فاستدعى الألم والوحدة جوايا الحاجات اللي قريتوا عنها قبل كده و حسيت إني كبرت شويةأنا الحمدلله دلوقتي بقيت أحسن كتير جدا و ححاول أخرج بإذن الله من يوم الأربع .. فيه ألم بسيط بس في حدود المحتمل .. ولسة باخد الدوا .. دي أخر أخباري
بجد متشكرة جدا لكل اللي سأل عني سواء بالتليفون أو ع النت و شكرا لكل واحدة من صحابي جت زارتني ف البيت .. بجد الزيارات دي أكتر حاجة فرحتني من قلبي .. و شكرا لكل حد دعا لي من قلبه أو كان ناوي بس نسي .. و طبعا الشكر العظيم جدا لأمي اللي وقفت جنبي جامد .. و الحمد لله رب العالمين عدت على خير.. اتعلمت بجد على الرغم من إن اللي مر عليا يعتبر بسيط مقارنة بابتلاءات أخرى أشد إيلاما لكن اللي جربه - ربنا يعافيكم كلكم - يعرف كويس قد إيه مؤلم .. و سيستأنف النشاط من جديد بإذن الله
أحبكم في الله
2 comments:
ربنا يتمم شفاكى على خير يا حبيبتى باذن الله ويكونى عيد سعيد عليكى ويجعل ايامك كلها مباركه يا رب
احبك فى الذى احببتينى فيه
ربنا يكرمك يا هالة :)
Post a Comment