الشغل .. الشغل .. الشغل و ما أدراكِ !!
أعتذر للصديقة الجميلة : آيات عبد المنعم اعتذار واجب
الشغل و مواعيده الصعبة منعتني أكون جنبها يوم حنتها و يوم فرحها
و انا عارفة ده بالنسبة لها ازاي !!
بس غصب عني
و باعتذرلها عن وعد وعدته لها و لسة منفذتوش لنفس الأسباب
آيــــــــــــــــــــات
فاكرة الفطيرة بالخضروات من عند كلية علوم !!!
فاكرة يا ملتقى الصحبة !!!
محاضرة دكتور سوزان !!!
يوم ما روحنا لشيماء و قعدنا نهييس لما كنا بنعمل بروفات المشروع !!!
سكشن دكتور مرسي !!!
بيت السحيمي و الآيس كريم ( أبو 6 جنيه ) فاكرة يوم ما نسينا بطايقنا هناك و رجعنا بتاكسي !!!
قصيدة " من أوراق أبو نواس " و تحليل دكتور أحمد مجاهد !!!
فاكرة يوم ما رجعنا من السحيمي برضه و كان هيدوسني ميكروباص !! و قعدتي تعيطي !!
ممر المترو و لما كنا مدمنين شرا الكشاكيل !!
حاجات كتير و اكتر من عبق ذكريات أخر سنين الانطلاق
ربنا يجمعنا ف الخير
و سامحينـــــي
4 comments:
معلش يا ايمى متزعليش اكيد آيات هتقدرك وهتسامحك عشان مقدرى ظروفك معلش
بس بجد سرحت فى كلامك رجعتينى لايام زمان لذكريات الجامعة وسكةالترام وركوبة مع الصحاب والتمشية لحد المترو والفرجة على الكتب والمجلات بجد كانت اياااااام
ربنا يجمعك ان شاء الله على خير لكل اللى بتحبيهم وربنا يكرمنا كلنا ان شاء الله يا رب على خير
يا رب
مش عارفة اقولك ايه
ربنا يكرمك و يسعدك
أكيد مسمحاكي و مش مممكن أزعل منك أبدا انتي عارفه انك أخت و صديقة عزيزة و غالية و على قد ما انتي كدة و قد ما انتي مهمة عندي كان نفسي تشاركيني آيامي و ذكرياتي دي بس ولا يهمك أنت ديما ممعايا أنا فاكرة كويس انك مرة كتبتيلي إهداء صغير و طلبتي مني أفضل محتفظة بيه طول الوقت و انا و الله لسه عند و عدي ليكي اما عن الحياة الحلوة قوي اللي عشناها مع بعض فانت عارفه حدث ولا حرج ... و اللي جي اكتر ان شاء الله يكفيني بس انك افتكرتيني و كتبتي كلماتك الرقيقة قوي دي بجد شكرا قوي ربنا يرعاكي و يحفظك سلام يا أعز الصديقات .
باحس دايما يا آيات إن روحنا فيها كتير من بعض
و باحسك زي ما كنت باقولك زمان : البنوتة اللي ف الحراملك بضفيرة
بشئ من النعومة و الانسيابية و الأصالة
أتمنى لك التوفيق في كل حياتك و ربنا يرزقك بكل خير يا رب
Post a Comment