الحمد لله أنه لا إله إلا الله

أجمل إحساس ف الكون ( مش إنك تعشق بجنون ولا حاجة :) لأ

لما تحس إن كل الأبواب مقفلة و حد مغمي عنيك و عمال تخبط ف طريق مجهول ضلمة

ساعتها مبيبقاش ليك غير ربنا

إحساس رائع بجد

تخيل كده لما أسباب الدنيا تتقفل و مفيش غير باب ربنا .. هو بابك الأمل .. هو بابك الحياة

لو مثلا كنت مريض - عافاك الله - مرض لا يرجى الشفاء منه أو مرض نادر

أو لم ترزق بالأبناء بغير سبب طبي

أو كنت في ضيق لا ينجدك منه أي إنسان مهما كان

أجمل لحظات بجد

وقت ما كان سيدنا يونس عليه السلام في بطن الحوت

في أحضان ثلاث ظلمات

في ظلام الليل و ظلام البحر و ظلام بطن الحوت

و لما كان سيدنا إبراهيم عليه السلام في وسط النيران

و لما قال أبو بكر الصديق رضي الله عنه للرسول صلى الله عليه و سلم " لو أبصروا تحت أقدامهم لرأونا " فقال له الرسول عليه الصلاة و السلام " ما بالك باثنين الله ثالثهما " أو " لا تحزن فإن الله معنا " مش فاكرة أي مقولة فيهم سبقت

فيه مرة واحد من العلماء السلف تقريبا ( معلش أصلي بافتكر القصص و انسى التفاصيل و الأسماء .. القصة دي أبلغ من كده كتير بس النسيان ) سئل فيما معنى سؤال عن صدق الدعاء أو التوكل أو الثقة في الله فأجاب لو إنك بتدعي الله كأنك غريق وحيد في الظلام

بمعنى استنفاذك لكل أسباب الدنيا .. هنا بيكون التوكل بجد على ربنا لأنك ببساطة ملكشي غيره

و بجد زي ما قال عمرو خالد قبل كده " الحمد لله على ان ربنا هو ربنا " العزة كل العزة في العبودية لله و الذل و المهانة في عبادة غيره ( فلوس / هوى / رؤساء / جمال .... إلخ ) بجد الحمد لله

رب رحيم بيك رغم عيوبك .. ستار ليك رغم مساوئك .. يرزقك رغم عصيانك .. يغفر لك رغم كسلك أو استهتارك

رب يستحي منك إذا رفعت يديك أن يردهما صفرا !! هل لنا رب سواه !!

رب عزيز يعزك و يعز مقدارك بعزته فقط بذلك له

الله على سجدة خالصة من القلب .. دعوة تلمس الروح .. دمعة تحلي الدنيا .. الله لما تحس بالعلاقة بينك و بين ربنا .. العلاقة الخاصة قوي .. الصادقة قوي .. القريبة قوي .. المتبادلة

سبحان الله .. حقا غذاء الروح لا يكون إلا ممن بث روحه فينا

الحمد لله الحمد لله الحمد لله لولا معرفتنا بالله لكانت الدنيا ضيقة مهما اتسعت أسباب النعيم

لكنا كالآلاف التي تنتحر في أكثر الدول علما و ثراءا و تقدما فنتخلص من الجسد كما عاشت الروح مقتولة تتنفس

تـ سـ مـ عـو ا ؟؟؟؟؟؟؟؟
http://www.ozkorallah.net/subject.asp?hit=1&lang=ar&parent_id=92&sub_id=1601