فكرت كتير .. ليه بنحب نعمل مدونات شخصية ( محتواها شخصي ) رغم اننا ممكن نعبر عن أنفسنا وسط اللي يعرفونا ؟؟
ممكن نكون محتاجين ناس تعرف شخصياتنا الحقيقية اللي جوانا و ميعرفهاش غير القريبين جدا مننا أو شخصياتنا اللي عاوزينها تظهر قدام الناس و نتمنى نكون هي ؟؟
ولا احنا محتاجين حاجة بتاعتنا احنا .. كل فتفوتة فيها على ذوقنا احنا .. متحكمين فيها بشكل كامل .. و ف تعليقات الناس عليها .. ولا محتاجين نعبر عن آرائنا الحقيقية من غير قيود ؟؟
..........
بانتظار إجابات
..........
8 comments:
متهيألي على قد بساطة السؤال
على قد ما اجابته صعبة
التركيب والتعقيد اللي في شخصيتنا
بيبقى واخد من كل فيلم اغنيه
ممكن عشان كل اللي كتبتيه وممكن عشان
حاجة ابسط من كده بكتير او اتفه بكتير بكتير
ــــــــــــــــــــ
اعذريني على اجابتي العايمة دي
بس اول ما عمل مدونة بجد هبقى عرفت انا عملتها ليه ولو بشكل نسبي
وساعتها هقولك وهغني
كل دا كان ليه؟
ممممممممم
جايز تبقى الاجابة الاخيرة .. حاجة خاصة بيكي تكتبي فيها اللي تحبيه وقت ما تحبي
وبتبقى اجمل لما يكون اللي بيشوفوها مش عارفينك
شخصية مجهولة .. بتتعاملي معاهم وردودهم وتعليقاتهم من خلال اللي بتكتبيه بس
شوية غموض بقى
:D
لكل منا دافعه
ولكن
ماذا بعد الدوافع المختلفة؟
احيانا الانسان بيبقى محتاج يكتب ويعبر عن اللى جواه على الورقة والقلم فيه حاجت مهما اةاحد بين اصحابة حكى واتكلم فيه حاجات بيبقى افضل لو اتكتبت احسن عن ما تتقال بالفم وبرضو لذيذ ان اصحابنا حتى المقربين مازال لسه فيه شئ بيكتشفوه عن طريق كتاباتك
نجم :
المهم انت تعرف سبب اللي بتعمله مش
مهم تقوله
بس يمكن انتشار ده لفت نظري جدا
شكرا لتعليقك يا نجم
ههههههههه
عمرك ما هتكوني غامضة يا هوبة
بس فعلا الإحساس بالخصوصية شئ ممتع
نورتي يا جميل
ماجد : مهم النتيجة بس أحيانا بتاخدنا تأملاتنا لتصور السبب
شكرا لتعليقك و مرورك
هالة :
قلتي شئ مخطرش على بالي
ممكن جدا الكتابة أكيد متعة
هالة بجد انبسطت قوي قوي بتعليقك .. متتأخريش عليا
Post a Comment