ربما تجد بعض الفوضى الغير متعمدة في هذا البوست .. ربما لا يتسق العنوان مع الصورة مع الكلام .. لكنها فوضى تريح أحاسيسيمع بداية العام أمنياتي كـ نكهة البندق أو رائحة البرتقال .. بسيطة لكن غير متاحة
منذ أشهر طويلة لم أكتب .. أشعر أن قلمي قد أصابه الصدأ و أوراقي تآكلت .. بل إنني أشعر أن أفكاري جفت .. الإفلاس التام فلا معي مفردة و لا صورة و لا فكرة
ربما لا أملك سوى الكثير من الأحاسيس المجهولة المبعثرة
أحاسيس عتيقة ذاع صيتها بعد نضجها و أخرى غريبة في ديار الروح
مع دقات الثانية عشر لليوم الجديد .. أشعر ببرودة تجتاحني لم أشعر بها من قبل
و برودة الإحساس تتسرب للأطراف فتجعلها قطعا من الثلج القاسي
كنت أحب الشتاء
كنت أحب المطر
كنت أعشق الجليد
حينما كانوا جيراني .. لكنني صرت أكرههم بعدما صاروا أصدقائي الدائمين المتطفلين حتى مع قطرات العرق
الحقائق في مثل قسوة الثلج .. و في مثل برودة الأطراف لا تمكنك من النوم و لا تسمح لك حتى بأحلام اليقظة
أكثر ما يحقق لي الدفء اليوم هو حضن أمي الرحب .. و نظرات أصدقائي الحميمة
حتى جميل الأغنيات لم يعد يقنع مشاعري فهو في النهاية مجرد كلام
صوت كاظم يشاركني إحساسي بالافتقاد و الشوق
و حينما أبتسم تزيدني الابتسامة برودة تغلف قلبي
فهل من سبيل لشعاع دافيء يتسلل لأعماقي فيذوب الجليد ؟؟
و هل من سبيل لشمس ربيعية تضم الكون بصدق فيتبدد الظلام المنير لضوء حاسم ؟؟
و هل من شتاء جديد ؟؟
23 comments:
الواحد برد وهو بيقرا المدونة دي والله/ خخخخ
ربنا يسعدك يا بسبوسة يارب ويدفي أيامك..
حد يابنتي يكون في مصر ويبقى بردان؟؟
انزلي امشي واجري وانطلقي.. وانتي شاوري بس وهتلاقي جماهير خرجت معاكي :>:>
اشربي كاكاو سخن بئه وادعيلي..
وادعي لأختي ربنا يهديها وتطفي المكيف لاحسن أنا هتجمد زيك كدة تمام :>
برررررررد :>:>
مش عارفه ليه وانا باقرأ البوست جالى احساس واغنية
الاحساس
--------
ان الشتا مابيبقاش حلو الا لما بنحب
والمطر مابيبقاش روعة الا لما بنمشى تحته جمب حد او حتى جمبنا طيف حد
وحتى فنجان الكاكاو بيدفى اكتر لما بيشاركنا فيه حد حتى لو احنا على باله وهو على بالنا
شعاعك الجديد المنتظر.. احسسته حبا منتظر وانقلابا منتظر
الاغنية ::
-----------
ابحث عنى .. ابحث عنى انـا فى مكان ما
انتظر وانتظر وانتظر
مـاجدة الرومى
سبحان الله يا هدى
يوم ما بانوي الخروج و اتصل بأصحابي يكونوا كلهم مشغولين
تعالي انتي مصر و نخرج سوا يوميا :)
ثانك يو على جبران الخاطر يا بنتي و ابعتي لي من عندك الكاكاو و المج
يا ريت عشان استشعر وجودك بس :)
لو جات ع البرد تبقى هينة
زعرورتي
.......
أنا عندي إحساسك نفسه من زمان جدا
الحب فعلا هو اللي بيدفي و مش شرط حب معين .. بس الحب عموما
.........
يسمع من بقك ربنا و ييجي الشعاع
و يا ريت و الله يكون حب و يكون انقلاب و تغيير إيجابي
أحسن هتجمد بعد كده :)
..........
بالنسبة للغنوة هو انا مسمعتهاش
بس ممكن أتخيل أنه من يشاركني الكاكاو وراء الأفق يغني " أبحث عنك " ربك يبعت يا بنتي
.......
بافرح لما باشوفك يا زعرورتي متحرمنيش م الفرحة دي :) و ربنا يسعدك يا رب
اللي هيقرا ردودي هيستغرب شوية يعني .. ازاي اللي كتبت البوست ده ردت كده .. بس يمكن لأني دلوقتي مودي مختلف شوية
و يمكن تكون طريقة تعبيرية مختلفة عن نفس الموود
خدعة من العقل الباطن
ربما
كنت بتفرج قبل الفجر بشوية على حلقة من حلقات العلم والإيمان
كان بيحكى عن طائر اسمه السفروت وهو طائر شهير بأمريكا
طائر خفيف الظل ... مرح ... منطلق ...فى بيئة شديدة القسوة ...شديدة الحرارة صباحا .... وجامحة البرودة ليلا ... مليانة بالكائنات السامة والنباتات الشائكة
وفى وسط كل ده يعيش السفروت خفيف الظل المرح
متكيف جدا مع بيئته بيعاكس فى الحيوانات السامة ويناكش الحية
وجه فى بالى سؤال
قلت الطائر ده قدر بفطرته انه يتكيف مع بيئة فى منتهى القسوة ومش كده وبس لا كمان مرح
واحنا البشر خلفاء الله فى الأرض لسه مش قادريين نتكيف مع بيئتنا ولا ناسنا ولا اللى حوالينا
قلت يااااااااااااااااااه ممكن نكون أضعف ارادة من السفروت ... ممكن نكون أقل قدرة منه على هزيمة المصاعب بالتفاؤل والانطلاقة والوجه البشوش
....
لمستى نفس الصقيع يا إيمان ... لمستى الوجع والعجز ....لمستى الحزن اللى مش راضيين نفارقه .... لمستى الجليد اللى عايشين فيه رغم ان الدفا على بعد خطوات
مقالك جميل جدا وقلمك لسه رشيقك وتعبيراتك لسه رائعة القلم
وأبدا يا إيمان
أبدا حبيبتى
لم يصدأ القلم
ولكنه شعور ينتابنا جميعا
إلى أن يثور قلمنا علينا
ونعود
لا تضغطى على قلمك
واتركيه يعود لك بعد أن يشتاق إليك
وثقى أنه بإذن الله
سيعود
أحبك
مى الغرورى
(((كنت أعشق الجليدحينما كانوا جيراني .. لكنني صرت أكرههم بعدما صاروا أصدقائي الدائمين المتطفلين حتى مع قطرات العرقالحقائق في مثل قسوة الثلج .. و في مثل برودة الأطراف لا تمكنك من النوم و لا تسمح لك حتى بأحلام اليقظةأكثر ما يحقق لي الدفء اليوم هو حضن أمي الرحب .. و نظرات أصدقائي الحميمة)))))
إيه ده كلــه يااااا بنتي ؟؟ . . . عمومًا .. خير إن شاااء الله ... هوا الفكرة الجديدة لااانج ف البوست/ النص ده ، الاختلاف .... إنتي قدرتي تشعرينا بإن كل شيء بقى مختلف !! ، بس يا ترى الاختلاف ده معانا ، أو ضدنـا بقى ؟؟ ، مش عارفين
أقول لك ، سيبيني أٌقراها تاني !
الدف وشعاع الشمس قادم من داخلك انت ولا تستطيع ان تستمديه من اى مكان اخر
فما تبحتى عنه ابحثى عنه فى داخلك
وان شاء الله يضى الله لك طريقك
ايمان انا بردت م الكلام
انا مش شايفه البوست مش مترتبه
انا شايفه الصورة هى اللى فيها حاجات كتير مش مرتبطة و ده مدينى احساس بالغربة و البرد من الصورة غير طبيعيين
على فكرة انتى طبعا شوفتى بوست بردانه عندى
الحل انك تحاولى تدفى نفسك بنفسك
اخرجى مع اصحابك
روحى السينما لوحدك
اسمعى مزيكا
مع ان الموسيقى تجعلنا تعساء بشكل افضل مش اكتر
ممكن تدخلى تطبخى حاجه لو بتحبى الطبخ يعنى تطلعى فيها كل احساسك بالبرد او الاحتياج
قربى من ربنا
فى حلول كتير على فكرة
بس بجد خللى الجمله دى حلقة فى ودانك
الملاذ ليس آخر الملاذ هو الذات
و اعرفى ان ما ننتظره يأتى دوماً متأخراً
لازم تدفى نفسك الأول علشان تعرفى تدفى اللى حواليكى
فى نفس الوقت طبيعى جدا فى الشتا تحسى بقيمة الدفا و الحضن علشان كده بتفضلى حابه الشتا
الدفا بييجى من حد بيحس زيك كده
دعبسى جواكى و هتلاقى شمعة نورها يكفى طول العمر
على فكرة الصورة قالت كتير
و كم أحبكِ يا مي !
صدقيني فرحت قوي بمرورك و تعليقك و رأيك كمان سواءا اللي ع البلوج أو اللي قلتيه لي
فهو من الآراء التي أعتز بها
و أتمنى حقا أن يعود القلم بلهفة المشتاق ليكتب سطورا ترضيني يا رب و قلمك كذلك يا رب
و أتمنى يا ستي نكون زي السفروت لكن مش عن فطرة فقط عن إرادة و عزيمة أيضا
كل الاحترام لكِ يا مي
كل ده بتقراها تاني يا إبراهيم :)
أشكرك لرأيك و تعليقك .. و سعدت بهما
و يارب يكون النص جيد كخاطرة
يارب يا أماني يسمع منك
أحيانا نحتاج لمن يشير لنا و يقول : كم أنت إنسان جميل ! أحيانا لا نرى ما بداخلنا حتى يراه إنسان قريب منا
سعيدة بزيارتك الأولى
أتمنى أن تتكرر زيارتك
و أتمنى لكِ كل خير :)
اوك ممكن أعمل أكلة و أعزمك بس انتي المسئولة عن اللي حيحصل .. متقوليليش هاكل صوابعيني :)
كلامك مسني جدا و صدقيني مفيش كلام ممكن أرد به عليه
لكنه أسعدني و اقتحمني
و سعيدة جدا بأن مشاعري وصلت لهذا الحد
أشكرك جدا يا ياسمين
يا رب
و يا رب يا أيمن أنت و كل الناس تحققوا أفضل مما تتمنوا يا رب و تسعدوا به
سعدت بزيارتك و أتمنى تكرار الزيارة بإذن الله
أشكرك
Hi eman
البوست جميل أوى و معبر أوى لدرجه أن الناس خسّت بالبرد ;)
فى الحقيقه الأحساس بالبرد بقى أحساس عام ناتج عن الأحساس بالوحده والفراغ العاطفى عند معظم الناس
ربنا يحبب الناس فى بعض ويشيل من قلوبهم الأحساس بالبرد والوحده
آميييييين
pleased to meet u
آمين
أشكرك يا إيهاب على المرور و التعليق
و قد يكون حقا الإحساس بالبرد عن بعض الناس لتوافر الوحدة و الفراغ و العاطفي و قد يكون عند البعض الآخر لعدم توافرهما
أتمنى تكرار الزيارة :)
دخلت قريت الردود وعيطت :'(
معرفش ليه
يمكن يا هدى البوست صادف لحظة إحساس معين عندك و كان الجو مهئ لكده
أحيانا الدموع ترتقي بالإحساس
اعتبري يدي تمسح دموعك يا أختي
أزاح الله همومك و أعطاك بغير حساب كل خير يا رب آمين :)
أنا أيضا عشت معك الأيام السابقة بغير أن أحادثكِ فقد أدمنت القراءة لكِ و ربما تكوني بكيتي للحظة تلاقت فيها أرواحنا
محبتي لكِ
ايمي الحبيبة..
سيتصالح معنا الشتاء متى تصالحنا مع أنفسنا ، صدقيني فهو محب لك بقدر حبك له هو لا يريد إزعاجك إنما يريد إيقاظك ... فانطلقى نحوك
محتاجة ( أوي ) يا أمولة للانطلاق نحوي
بجد أوي
ربنا يخليكي ليا يا رب
ازيك يا ايمان
ده اول تعليق ليا
انا سعيد جدا بالبلوج بتاعك
لأن الفوضى في وجهة نظري
لا تعني السوء ولكن
الفوضي احيانا هي قرين الأحلام
فالحلم أبدا لا يأتي منظما بل
يحمل من الفوضى ما يجعله
الحرية ذاتها
نورت البلوج يا عز
و أتفق معك أن الفوضى هي متعة الحلم .. فلو كان الحلم تقليدي روتيني لما كان حلما ..
مبسوطة ان البلوج عجبك
Post a Comment