بسم الله الرحمن الرحيم
ليتنا نستطيع أن نستمتع بالحياة على مهلٍو نتذوق طيباتها بلا عجلة و نشعر بكل لحظة فيها بلا كآبة
ليتنا نستطيع أن نحتفظ بابتسامتنا رغم الظروف و تسعدنا أبسط الأشياء
زمان و أنا طفلة
كان بيسعدني أوي اللبس الجديد و اللعبة الممتعة و الفسحة الحلوة و الهدية الصغيورة
دلوقتي بتسعدني الأوقات الحلوة و الصحبة الطيبة و النجاح
لكن السعادة دايما ناقصها حاجة
؟؟؟؟؟؟؟؟؟
يمكن الخيال / البراءة ...ا
يمكن الاطمئنان
مصدر الاطمئنان الوحيد في الدنيا هو الحقيقة هو الله
من وجد الله فماذا فقد !! و من فقد الله فماذا وجد !!ا
حقا والله
مهما كان الإنسان سعيدا لن يطمئنه سوى القرب من الله
و بدونه سيظل تائها هائما على وجهه ضائع بلا مأوى و لا هدف
حتى لو عنده كل أسباب السعادة
الحياة مرة واحدة بس ؟
لا .. فيه حياة تانية
لكن الدنيا مرة واحدة فلنستمتع بها في رضا الله ، و نتذوقها على مهل
ممكن تكون ماشي على رجيلك 100 ميل و مبسوط
فاكرين فيلم الزوجة التانية بتاع سعاد حسني .. كانوا فقرا جدا لكن سعداء
السعادة بالرضا
و لو كان الرضا يباع لشريناه بآلاف الدراهم
إنما الرضا لا يأتي إلا من الإيمان بالله ثم من نفسك
فاسعد نفسك و هئ لها ما يسعدها من خيالك إن لم تجده في واقعك
و الله ما حاجة تستاهل و على رأي المثل الدنيا متفاتة
لو عشت عمرك نادم على ماضي أو قلق على مستقبل سيضيع الحاضر
و إن ذهبت صحتك لن تنفعك أموال العالم و لن ينفعك من حزنت عليهم
اشتري من اشتراك و لا تحزن على من باعك بل عامله بالحسنى
قرأت ذات مرة : " موتك لن ينسي الناس طعامهم و شرابهم"ا
اعمل بنفسك حساب نفسك
لو ملقتش حد يجيب لك هدية هادي نفسك فهي تستحق
و حاول و انت راكب سيارة الدنيا المسرعة تهدي السرعة لو شفت لوحة جميلة يمكن متعديش عليها تاني
و صدقني مش هتخسر كتير بالعكس هتكسب أكتر
استمتع بدنيتك و أنت طائع لله قبل فوات الأوان
..
..
7 comments:
هو دا بقى فن الاستمتاع بالحياة ... نشوف الحلو فيها ونبص للنص المليان من الكوباية بس مش دايما الواحد بيقدر على دا
ربنا يرزقنا بالرضا والقناعة والثقة بان ربنا عادل وكل اللي يجيبه او يقسمه لينا يبقى هو العدل والخير
الدنيا ساعة فاجعلها في طاعة والنفس طماعة عودها القناعة
رائعة يا بسبوسة
لو ملقتش حد يجيب لك هدية هادي نفسك فهي تستحق
تعرفى يا بيبو انا كنت بفكر فى الفكره دى قريب
عيد ميلادى فاضل عليه شهر و نص .. هاحوش من دلوقتى عشان اجيب لنفسي هديه.. فهى تستحق
على فكره الموضوع كله هايل جدا .. اجمل حاجه ان الانسان يعيش فى رضا و قناعه من الله عز وجل .. القرب من ربنا فيه سعاده كبيره اوى
بس الهدية لما حد بيجبهالك حلوة بردو
المفجأة حلوة :D
بس عموما ده مبدأى فى الحياة
دلع نفسك
تسلم ايدك
هبة
ردك انتي اللي رائع
و أتمنى ننفذ ده كلنا
لكن
و ما نيل المطالب بالتمني و لكن تؤخذ الدنيا كدهوه :)
لكي كل احترامي
تسلمي يا زعرورة
هي فعلا حلوة لو حد فاجئك بهدية
لكن المهم يكون الحد ده صادق مش مجرد مجاملة
و هنا بتحسي إن الدنيا تستاهل
و تدليل الذات حلو برضه :)
باسعد بوجود اسمك ف المدونة
داليا
أنا فعلا عملتها ف عيد ميلادي اللي فات
كان قريب من معرض الكتاب
رحت مهادية نفسي أجمل كتاب اشتريته
و كتبت لي إهداء
و واحدة أعرفها كانت لما تجيب لنفسها هدية تلفها و تعمل شغل تمام
لو صداقة النفس تمت بصدق
حتتم صداقة مع الكون كله
و لا يمكن الواحد يصادق نفسه إلا لو ربنا راضي عنه
شرفني مرورك
Post a Comment